தேன் தேன் தேன் உனைத் தேடி அலைந்தேன்

பெ : தேன் தேன் தேன் உனைத் தேடி அலைந்தேன்
உயிர் தீயை அளந்தேன் சிவந்தேன்

ஆ: தேன் தேன் தேன் எனை நானும் மறந்தேன்
உனை காண பயந்தேன் கரைந்தேன்

பெ: என்னவோ சொல்ல துணிந்தேன்
ஏதெதோ செய்யத் துணிந்தேன்
உன்னோடு சேரத்தானே நானும் மலர்ந்தேன் (தேன்)

பெ : அள்ளவரும் கைய ரசித்தேன்
ஆளவரும் கண்ணை ரசித்தேன்
அடங்காமல் தாவும் உந்தன் அன்பை ரசித்தேன்

ஆ : முட்ட வரும் மெய்யை ரசித்தேன்
மோத வரும் பொய்யை ரசித்தேன்
உறங்காமல் ஏங்கும் உந்தன் உள்ளம் ரசித்தேன்

பெ: நீ சொல்லும் சொல்லை ரசித்தேன்
இதழ் சொல்லாததையும் ரசித்தேன்

ஆ: நீ செய்யும் யாவும் ரசித்தேன்
நிதம் செய்யாததையும் ரசித்தேன்

பெ: உன்னாலே தானே நானும் என்னை ரசித்தேன் ( தே)

ஆ: சேலையில் நிலவை அறிந்தேன்
காலிலே சிறகை அறிந்தேன்
கனவிலே காதல் என்று நேரில் அறிந்தேன்

பெ: திருடனே உன்னை அறிந்தேன்
திருடினாய் என்னை அறிந்தேன்
இன்னும் தீ திருடத்தானே அசை அறிந்தேன்

ஆ: என் பக்கம் உன்னை அறிந்தேன்
பல சிக்கல் உன்னால் அறிந்தேன்

பெ: ஆம் தென்றல் உன்னை அறிந்தேன்
அதில் கூசும் பெண்மை அறிந்தேன்

ஆ : நீ நடமாடும் திராட்சைத் தோட்டம்
எதிரில் அறிந்தேன் (தேன்)